Macedonian
English
На 01.11.2017 во Public Room Скопје, се одржа брифинг со новинари, на кој Акција Здруженска и ЕСЕ ги презентираа активностите и временската рамка на спроведување на истите во рамки на проектот „Социјална отчетност за родова еднаквост”, како и податоците/резултатите до кои ќе дојдат организациите во текот на имплементацијата на проектот. Целта на брифингот е информирање на новинарите за активностите и текот на проектот, како и ниво активно вклучување во креирањето на резултатите на проектот.
Проектот „Социјална отчетност за родова еднаквост“ ќе допринесе кон зајакнато учество на заедницата во процесите на следење на јавните политики и процесот на донесување одлуки од областа на вработувањето; оценување на потребите на заедницата во однос на активните мерки за вработување; запознавање и мобилизација на граѓаните за барање/уживање на сопствените права за вработување уредени со домашните и меѓународните стандарди од областа на вработувањето; оценета ефикасноста, економичноста и оправданоста на потрошените средства за спроведување на мерките за вработување кои се предмет на интерес; како и унапредување на транспарентноста, отчетноста и одговорноста на целните јавни институции. Истиот е фокусиран на програмкската и буџетската имплементација на активните мерки за вработување “Самовработување, Македонија вработува 2 и услугите за вработување на АВРМ”
Проектот „Социјална отчетност за родова еднаквост“ се имплементира од Здружението за еманципација солидарност и еднаквост -ЕСЕ во партнерство со Здружението за унапредување на родовата еднаквост Акција Здруженска. Истиот е поддржан од ЕУ преку ИПА Инструментот за граѓанско општество и програма за медиумите 2015 – Поддршка за граѓанските организации во рамките на инструментот за акција во граѓанското општество 2015.
