Воведна обука „Основни концепти и стратешки приоди во промовирањето и унапредувањето на родовата еднаквост„

Општина Куманово

Од 19-21.03.2010 год. во Хотел Метропол, Охрид се спроведеВоведна обука „Основни концепти и стратешки приоди во промовирањето и унапредувањето на родовата еднаквост„ на која присуствуваа 17 претставници на Советот и општинската администрација на Општина Куманово.

Целта на обуката беше учесниците да се стекнат со неопходните предзнаења со цел поефикасно спроведување на активностите поврзани со развивање на рамката за операционализација на одредбите од Законот за еднакви можности на жените и мажите во Општината.

На оваа воведна обука учесниците имаа прилика да се запознаат со концептите на родот и родовата еднаквост, дискриминацијта и човековите права на жените, стратешките приоди во промовирањето и унапредувањето на родовата еднаквост, како и со практичните начини за проценка на влијанието на активностите на општината врз родовите.

Оваа активност се реализира во рамките на годишната програма на Акција Здруженска финансиски поддржана од Програмата CIVICA Mobilitas, Фондација Институт Отворено Општество-Македонија и Balkan Trust for Democracy