Macedonian
English
Акција Здруженска учествуваше на конференција на тема ,,Пари и движења”, организирана од страна на AWID во Керетаро-Мексико на која се состанаа 300 преставнички на женски организации од сите континенти како и 50 донатори.
Целта на коференцијата беше да промовира значајно зголемување на пристап до финансии за подршка на работата на полето на женските права и да ја подобри ефективноста на женските организации во прибирање и употреба на повеќе средства, во насока на градење силно женско движење и унапредување на родовата еднаквост на глобално ниво.
Основа на дискусијата беше истражувањето ,,Каде се парите за женските права?”спроведено со цел да се истражат трендовите на финансирање наменето за работа на родова еднаквост и подршка на женските организации. Резултатите покажуваат дека финансирањето се намалува и дека женските организации се на работ на опстанок. Дискусијата беше организирана во панел дискусии и поединечни регионални работилници како и тематсмки работилници за јакнење на капацитетите околу следниве прашања: кај се парите?, како да дојдеме до нив? и што како движење можеме да направиме со нив?
