Работилница со Комиисиите за еднакви можности меѓу мажите и жените

На 24.12.2007 во канцеларијата на Акција Здруженска се одржа
работилница на која беа поканети преставници/чки на КЕМ и координаторите за
еднакви можности од десет општини со кои веќе се одржаа работилници за давање на
насоки за содржината на програмата на КЕМ.

Целта на работилницата беше евалуација на резултатите од
активностите што ги презема Акција Здруженска во унапредување на родовата
еднаквост на локално ниво. Конкретно евалуацијата се однесуваше на содржината на
програмата на КЕМ за 2008.

Заклучокот е дека квалитетот на програмите на КЕМ зависи од
степенот на нивниот развој. Се уште има комисии кои не ги препознаваат основните
родови концепти.

Според нашата и проценката на преставниците/чките на КЕМ кои
присуствуваа на работилницата, истата им овозможи можност за согледување на
пропустите и надополнување или изменување на предвидената содржина.