Macedonian
English
На 18 ноември 2016 во Приштина Косово се одржа втората регионална конференција „Достигнувања и предизвици на родово балансираните политики во Косово„ во организација на Косовскиот центар за родови студии – Приштина.
На настанот учествуваше Македонска делегација од 15 претставнички од национални женски мрежи и локални граѓански организации предводена од Акција Здруженска.
Од македонската делегација на средбата воведно обраќање имаше Соња Хаџи Николов од Акција Здруженска, додека Марија Савовска Извршна директорка на Акција Здруженска, имаше излагање за учеството на жените во процесите на одлучување во Македонија, а Џане Крешова Претседателка на Женски Форум од Тетово во своето обраќање се осврна на предизвиците и состојбите со интеграција на родовата перспектива во политиките на локално ниво.
Регионалната конференција се организира во рамките на проектот „Меѓугранична еднаквост и родова интеграција“, поддржан од ЕУ во рамките на ИПА-инструментот за прекугранична соработка меѓу Македонија и Косово, а реализиран од Здружението за унапредување на родовата еднаквост Акција Здруженска Скопје, во партнерство со Косовскиот центар за родови студии Приштина, Институтот за развој на заедницата од Тетово и Центар за советување и поддршка на жените Дора Дорс од Призрен.
