Macedonian
English
Во текот на март 2021 година реализирана е online кампања за поттикнување на женско граѓанско учество „КАКО ДА СТАНЕШ АКТИВНА ГРАЃАНКА?“. Кампањата има цел го потенцира формалниот статус на граѓани, со права кои ни следуваат како и на мажите, кој е всушност претешко стекната придобивка од повеќевековен, организиран јавен ангажман на генерации и генерации жени. Укажувајќи на штетата доколку не го искористиме за наше подобро локално секојдневие.
Кампањата се состои од дизајнирани постови како придружни пораки во одговор на главното прашање „Како да станеш активна граѓанка?“, од кои посебно или сите заедно функционираат како едукативни насоки кои се во функција на промоција на култура на активно /одговорно граѓанство кај општата популација жени на кои им се обраќаме како примарна целна група.
Пораките укажуваат на различни форми низ кои жените може да обезбедат отчетност, транспарентност на локалните самоуправи, особено во делот за управувањето со јавните финансии.
Kампањата достигна публика од околу 70.000 корисници на социјални медиуми КАКО ДА СТАНЕШ АКТИВНА ГРАЃАНКА?.
Оваа кампања е дел од проектот „Зајакнување на локалното женско организирање“, спроведен од Акција Здруженска во рамките на проектот на UN Women „Промовирање на родово-одговорни политики и буџети: кон транспарентно, инклузивно и отчетно управување во Република Северна Македонија“, со финансиска поддршка од Швајцарската агенција за развој и соработка и Шведската агенција за меѓународна соработка и развој – Сида.
