Macedonian
English
Акција Здруженска е вклучена во реализација на Проект „Коалиција за буџетски мониторинг“ финансиран од ЕУ, а спроведуван од Центарот за економски анализи (ЦЕА) и Форум – ЦСИД. Проектот е прв од овој вид во државата, со кој се прави обид за мониторирање на буџетска транспарентност на локално ниво во Р. Македонија
Мониторинг активностите на организациите се одвиваат во период од една година, почнувајќи од јули 2014 до јули 2015 година.
Акција Здруженска врши мониторинг на активности во дел од скопскиот регион во општините: Карпош, Центар, Аеродром, Кисела Вода, Ѓорче Петров, Петровец, Илинден и Чучер Сандево.
Во рамките на проектот се спроведуваат следните активности: присуство на седниците на Совет; анкетирање на членови на Совет; анкетирање на вработени во општинската администрација; анкетирање на претставници на граѓански организации и медиуми и анализа и прибирање на буџетски документи на локалните самоуправи. Врз основа на спроведениот мониторинг во текот на 2014 година изготвени се месечни и квартални извештаи и реализирана е јавна презентација на наодите. Извештаите се јавно достапни на следната веб страна http://kbm.mk/.
