Macedonian
English
Здружението за унапредување на родовата еднаквост Акција Здруженска-Скопје во партнерство со Институтот за развој на заедницата од Тетово, на 31.05.2016 во Хотел Лирак Тетово организираа еднодневна обука на тема „Родовата еднаквост во пристапувањето кон ЕУ “. Обуката се реализира во рамките на Проектот „Меѓугранична еднаквост и родова интеграција“, поддржан од ЕУ во рамките на ИПА инструментот за прекугранична соработка меѓу Македонија и Косово.
Целта на обуката е зајакнување на капацитетите на локални граѓански здруженија за застапување на прашањата на родовата еднаквост во процесот на пристапување кон ЕУ, согласно принципите, политиките и стратешките пристапи на Европската Унија во промовирањето на родовата еднаквост.
На обуката учествуваа 21 претставници на граѓански организации и единици на локалната самопуправа од Полошкиот регион кои се запознаа со алатката за следење и застапување на родовите прашања и ги надградија своите знаења за начините на кои можат да подготват придонес во процесот на консултации при подготовката на ЕУ извештајот за напредокот на Република Македонија.
