Macedonian
English
Во периодот од 25 јануари до 6 февруари 2017 тимови од Акција Здруженска и Консалтинг за
стратешки развој спроведоа 20 фокус групи во 10 општини со 252 жени од општините. Во насока
на ефективно и ефикасно спроведување на фокус групите беше подготвен документ со
индикативни прашања со цел да се приберат податоци за познавањата на жените за работата на
локалната самоуправа, за локалните граѓански организации, како и за мотивацијата на жените да
се вклучат во процесите на одлучување, истовремено давајќи им простор и да ги искажат своите
потреби. Фокус групите беа организирани од страна на локалните граѓански организации
вклучени во проектот, Една може, ГИЖ Св. Николе, Женски форум Тетово, Радика Де, ОЖ
Струмица, СОЖМ, Центар за образование и развој, ЕХО и ЖГИ Клеа.
Преку фокус групите беа зајакнати капацитетите на локалните организации за идентификување и
поврзување со своите конституенти, и уште повеќе за идентификување на жени лидерки меѓу нив
како врска меѓу организациите и жените, во комуникацијата кон локалните власти.
Исто така дискусијата даде податоци за потребите на жените и причините за нивното (не)учество
во локалните процеси и беа идентификувани формите и методите кои жените ги сметаат за
најсоодветни за да можат тие да се вклучат во овие процеси.
