Macedonian
English
На 02 март 2018 во Јавна Соба во Скопје е одржана третата заедничка работилница со мониторинг тимовите наменета за финална подготовка на извештаи од следење со заклучоци и препораки од мониторинг. На работилницата присуствуваа 8 претставнички на ОЖ Визија – Кавадарци; Женска Акција-Радовиш; и Една Може- Скопје. Најпрво пред присутните беше даден генерален преглед на постигнувањата и резлултатите од сите реализирани проектни активности во изминатите 18 месеци, во кои активно учествуваа локалните организации, особено што со овој процес организациите остварија поголема комуникација со жените од заедницата и претставниците од локалната самоуправа, успеале да научат да ги читаат буџетите и да изработат кредибилни мониторинг извештаи неопходни за следење и застапуавње на родовата еднаквост во буџетските процеси.
Потоа, секој тим одделно имаше можност да реферира на генералните искуства од мониторинг процесот со посебен акцент на начините за надминување на предизвиците како и споделување на научените лекции од севкупното следење.
Заради унифицирана презентација на наодите од поединечните извештаи на локлани дебати, однапред беше подготвен формат за подготовка на презентација на наоди и препораки од мониторингот. На работилницата тимовите се обидоа согласно параметрите во форматот да ги претстават поединечните резултати од следење и на тој начин да се подготват за локалните дебати предвидени да се одржат во секоја од општините.
