Мерење на трошоци од семејно насилство врз жените во РМ

Акција Здруженска, во соработка со Институтот за истражување
на економски политики (ИЗИНЕП) беше вклучена во реализацијата на проект “Мерење
на трошоците од семејното насилство врз жените во Р. М.”, финансиски поддржан од
УНИФЕМ.

Основна цел на проектот е да се направи приближна пресметка
на трошоците од семејното насилство врз жените за 2006 година со што ќе се
потенцира не само социјалната, туку и економската димензија на овој општествен
проблем. Проектот се фокусира на мерење на трошоците од семејното насилство, што
општеството ги плаќа преку здравствениот, социјалниот, полицискиот и
правосудниот систем во земјата, како и трошоците на самите жртви и на
невладините организации што работат на тоа поле.

За успешна реализација на проектот Акција Здруженска беше
вклучена во реализација на следните активности:

а) Консултирање на инструментите за теренска работа
(прашалници и интервјуа) со правни експерти од граѓанскиот и кривичниот суд
со цел усогласување на употребените термини со термините користени во
судската пракса во Р.М.;

б) Прибирање на информации од 31 суд во Р. Македонија за
случаите на семејно насилство врз жените (1 Врховен Суд, 3 Апелациони
судови, 27 Основни судови);

в) Прибирање на информации за кривичните случаи на
семејно насилство врз жените од 25 јавни обвинителства во Р.Македонија;

г) Спроведување;

– 4 длабински интервјуа со судии кои одлучувале при
случаи на семејно насилство врз жени (1 интервју со судија од граѓански суд,
2 интервјуа со судии од кривичен суд, 1 интервју со судија од апелационен
суд);

– 2 длабински интервјуа со јавни обвинители кои работеле
на случаи на семејно насилство врз жени;