Обука за следење на спроведувањето на законските обврски на локалната самоуправа за унапредување на родовата еднаквост

Здружението за унапредување на родовата еднаквост Акција Здруженска-Скопје во партнерство со Институтот за развој на заедницата од Тетово, на 05.02.2016 (петок) во Хотел Лирак Тетово организираат еднодневна обука на тема „Следење на спроведувањето на законските обврски на локалната самоуправа за унапредување на родовата еднаквост“. Обуката се реализира во рамките на Проектот „Меѓугранична еднаквост и родова интеграција“, поддржан од ЕУ во рамките на ИПА инструментот за прекугранична соработка меѓу Македонија и Косово.

Целта на обуката е зајакнување на капацитетите на локалните граѓански здруженија во однос на нивната улога за следење и мониторинг на работата на локалната самоуправа во поглед на третманот на родот и родовите прашања, како и зајакнување на нивните вештини за застапување на интеграцијата на родовата перспектива во локалните политики и изнаоѓање и предлагање на решенија во насока на подобрување на положбата на жената.

Исто така обуката има за цел поттикнување на локалната самоуправа за операционализација на Законот за еднакви можности на жените и мажите и нивно зајакнување со цел тие да одговорат на обврската за родово-свесно планирање и дејствување.

Обуките истовремно се во функција на зајакнување на соработката помеѓу различните чинители и заеднички пристап во промоцијата на родовата еднаквост во локалната заедница.

На обуката учествуваа 22  претставници на граѓански организации и индивидуални актвисти/ки, кои ги надградија своите знаења од областа на родовата еднаквост и правата на жените, како и претставници на локалните самоуправи (координатори за еднакви можности на жените и мажите, членови на Комисија за еднакви можности на жените мажите и други заинтересирани претставници) од Полошкиот регион – Тетово, Гостивар, Врапчиште, Маврово и Ростуше Боговиње, Брвеница, Желино, Јегуновце и Теарце.