Подготовка на Извештај за прогресот по однос на Конвенцијата за елиминирање на сите форми на дискриминација врз жените и презентирање на наодите пред истоимениот Комитет на ООН – 05.08. 2012

По финализирање на Извештајот во сенка кон Конвенцијата за елиминирање на сите форми на дискриминација врз жената, претставнички на ЕСЕ и Акција Здруженска учествуваа на пред сесијата на Комитетот за елиминирање на сите форми на дискриминација врз жените со цел да ги презентираат наодите по однос на прогресот кој РМ го постигнала од 2006 година до сега во однос на спроведувањето на оваа конвенција. Пред сесијата на 54 сесија на Комитетот се одржа во периодот од 30 јули до 3 август, 2012 во ООН, Њујорк. Наодите од извештајот во сенка и изјавата подготвена за пред сесијата беа презентирани на работната група на Комитетот, кој по разгледување на наодите извештајот поднесен од страна на државата и наодите на граѓанските и меѓународни организации подготви листа на прашања (http://www2.ohchr.org/english/bodies/cedaw/docs/54/docs/CEDAW-C-MKD-Q-4-5.pdf), кои РМ има обврска да ги одговори до 54 сесија на Комитетот закажана за февруари, 2013 година. На пред сесијата ЕСЕ и Акција Здруженска ги презентираа клучните наоди и области на загриженост по однос на правната и фактичката усогласеност со одредбите во Конвенцијата, при што како појдовна основа беа користени препораките и заклучните согледувања на Комитетот од последниот циклус на известување на РМ во 2006 година. Наедно, беа презентирани методологијата, изворите на податоци кои беа користени во подготовка на извештајот, вклучувајќи го и придонесот на останатите граѓански организации во подготовка на истиот.