Жените од теренската мрежа на Организација на жени од Струмица учествуваа на работилница со Женскиот кружок „Сачево“, каде што се изработуваа планови за самостојно планирање, организирање и спроведување активности.

Оваа активност е прв чекор во спроведувањето на пилот моделот насочен кон оспособување на соработничките од теренската мрежа за преземање иницијативи и успешно извршување на задачи во своите заедници.

Преку практична работа, размена на идеи и заедничко планирање, учесничките стекнаа нови знаења и вештини кои ќе им помогнат да бидат поактивни чинители на локално ниво.

„Веруваме дека вложувањето во жените е вложување во посилни и поактивни заедници“, велат од организацијата.

Активноста е дел од годишната програма на Организација на жени од Струмица и е финансиски поддржана со институционален грант од Акција Здруженска.