На 12 февруари, во просториите на Граѓански ресурсен центар, се одржа информативна работилница за субгрантисти, за финансиско и наративно известување во рамки на  за субгрантисти, во рамки на проектот „Жените го преземаат водството во локалните заедници“, кој е финансиран од Делегацијата на Европската Унија и ко-финансиран од Шведска, а имплементиран од Фондацијата „Квина тил Квина“ во партнерство со Здружението за унапредување на родовата еднаквост Акција Здруженска и Хумантарното здружение Мајка, Куманово.

„Продолжуваме со поддршка на локалниот женски активизам, во ова време невреме за правата на жените и родовата еднаквост. Имаме 7 избрани локални организации кои се субгрантисти и многу ми е драго што како екипа ќе продолжиме да го јакнеме женското водство во локалните заедници“, рече пред присутните Марија Савовска, извршна директорка на „Акција Здруженска“.

Субгрантирањето е главна компонента на акцијата и се надоврзува на децениското искуство и добра пракса на „Квина тил Квина“и „Aкција Здруженска“. Поддржаните субгрантисти ќе играат клучна улога во зајакнувањето на жените лидерки во локалните заедници, претежно од локалните и руралните области, преку нивно активно учество во процесите на донесување и одлуки на локално ниво.